شد الخيوط من فوق -
جبين الشمس ـ
وارميها للقمر
أكتب وخطط يا قلم
وافرش شعاع الشمس
فوق كل الصور...
وماتتجاهلش حبيبتي
دي زي القمر
وافرد على جبينها الضياء
وأعلن على الدنيا الفرح
وافرش بساطك من جديد
دا الخير طرح
غصن الزيتون ضلل على البنت الأمل
واحكى الحكايه من جديد
راح يجى يوم ويكون سعيد
وافرد شعاع من نن عين الشمس
فوق خد الحبيبه المخلصه
امحي الحكاوي الميته
واحيي الأمل تاني من جديد
كل الساعات
كل اللي فات
أصبح رفات !!
ومفيش حياه من غير أمل
ابنى لى دار
جوه العيون الصافية
فى قلب الوطن
وافرش خطاوي سكتك
مد الايدين وارفع لي
صوتك بالغنا
تلقى الصعاب صارت حقيقي ممكنه
وافرش ورودى فى كل كل الأمكنه
مد الخطاوي يا ولد
ترجع بهيه من جديد
وافتح طريق الأمنيات
وأعلن بداية المستحيل
جوه الشوارع والحارات
كحل عيوني بالأمل ـ
مصر البهيه المستحيله
بتناديك عاشق
أنا عاشق متيم يا حببتي
بالوله مدى الشروق
وابنى لي بيت يكسر رتابة الملل
قوم يا ولد لف البلاد
عدى البحور
وابنى الجسور
عدى الجبال
دوس ع التلال
أنا مهري من دم الشهيد
كحل عيونى بالبطوله
والأمل هاتكون
أكيد فجري الجديد
خارج من الدم السواد
فارس لنا
وكل العباد مستنياك
أوعاك تتوه فى السكة
ويضيع الأمل
------------------------
من ديوان ( مجروحة )
ليست هناك تعليقات:
إرسال تعليق